Моорук нэһилиэгэр оҕо кинигэтин нэдиэлэтэ

          

Моорук нэһилиэгин библиотекатыгар “Оҕо кинигэтин нэдиэлэтэ” ыытылынна
Иннокентий Сосин аатынан “Мэҥэ Хаҥалас улууһун кииннэммит библиотекаларын ситимин” Мооруктааҕы филиалыгар муус устар 10-14 күннэригэр “Оҕо кинигэтин нэдиэлэтэ” ыытылынна. суруйуута олохтоох библиотека тэрийиитинэн Моорук орто оскуолатыгар ыытылынна. Бу нэдиэлэҕэ биһиги нэһилиэккэ үгэскэ кубулуйан эрэр учууталлар уонна үөрэнээччилэр хамаандалара үһүс төгүлүн ыытыллыбыт брейн-ринг оонньууга күөн көнүстүлэр. Саха омугун олоҕор, саха тылыгар сыһыаннаах ыйытыктарга хоруйдаан учууталлар хамаандалара кыайылааҕынан аатын ылла. Ону таһынан 5-7 кылаастар икки ардылагрыгар “Ааҕыы чемпионата” буолан ааста. Бу күн 13 оҕо ыраастык, сөпкө, истээччини тардар курдук биир мүнүүтэ иһигэр Иннокентий Сосин айымньыларыттан талан быһа тардан ааҕан холонон көрдүлэр. Дьүүллүр сүбэ түмүгүнэн 3-с миэстэҕэ Михайлов Алеша, 2-с – Окорокова Ньургуйаана, 1-кы – Лобанов Эрчим 7 кылаас үөрэнээччилэрэ буоллулар. Кыттааччылар бу тэрээһини интэриэһинэйин бэлиэтээтилэр, ааҕар дьоҕурдарын сайыннаран өссө күрэхтэһии ыыттлларыгар баҕа санааларын эттилэр.